ហេតុអ្វីត្រូវគូសផែនទីសម្គាល់ភូមិដ្ឋានរបស់អ្នក?
“កម្មវិធីគូសផែនទីសម្គាល់ភូមិដ្ឋានរបស់អ្នក” (MYN) ត្រូវបានរចនាឡើងដើម្បីជួយបណ្តាសង្កាត់ភូមិដ្ឋាននានា ឲ្យរៀបចំខ្លួនសំរាប់ប្រឈមនឹងគ្រោះមហន្តរាយ ហើយកម្មវិធីនេះត្រូវបានផ្តល់ជូនតាមរយ: ការិយាល័យនាយកដ្ឋានគ្រប់គ្រងគ្រោះអាសន្នប្រចាំមូលដ្ឋាននានា។.
MYN នឹងជួយអ្នកក្នុងការ ៖
- រៀន "វិធានការ ៩ ជំហានដើម្បីអនុវត្តជាបន្ទាន់បន្ទាប់ពីមានគ្រោះមហន្តរាយ" ប្រយោជន៍នឹងធានាសន្តិសុខផ្ទះសម្បែងរបស់អ្នក ហើយនិងការពារសង្កាត់ភូមិដ្ឋានរបស់អ្នក។ វាពិបាក់រកគិតពិចារណាអំពីអ្វីមួយឲ្យបានច្បាស់លាស់ណាស់ ក្រោយពីមានគ្រោះមហន្តរាយកើតឡើងភ្លាមៗ ហើយវិធានការទាំងនេះនឹងជួយអ្នក ឲ្យអាចអនុវត្តសកម្មភាពផ្សេងៗ ដែលជួយកាត់បន្ថយការខូចខាតឲ្យនៅតូចទាបបំផុត ព្រមទាំងជួយការពារជីវិតផងទាំងពួងបានយ៉ាងឆាប់រហ័ស ព្រមទាំងមានសុវត្ថិភាពផង។
- ត្រូវចេះសម្គាល់មើល ជំនាញការ និងសម្ភារបរិក្ខារផ្សេងៗដែលអ្នកជិតខាងខ្លួនមាន ដែលអាចប្រើជាប្រយោជន៍ដ៏មានប្រសិទ្ធភាពក្នុងការឆ្លើយតបទៅនឹងបញ្ហាគ្រោះមហន្តរាយ។ ការដឹងថាអ្នកជិតខាងខ្លួនណាម្នាក់មានសម្ភារ: និងជំនាញការអ្វីមួយជួយឲ្យការឆ្លើយតបនឹងគ្រោះមហន្តរាយរបស់អ្នកអាចប្រព្រឹត្តទៅបានឆាប់រហ័សទាន់ពេល ហើយថែមទាំងអនុញ្ញាតឲ្យគ្រប់គ្នាអាចចូលរួមឆ្លើយតបប្រកបដោយយុទ្ធវិធីមានន័យ។
- ចូរបង្កើត ផែនទីសង្កាត់ភូមិដ្ឋាន ដើម្បីសម្គាល់អស់ទីតាំងផ្ទុកធុងឧស្ម័នហ្កាស និងឧស្ម័នប្រូផេន សំរាប់ឆ្លើយតបឲ្យបានឆាប់រហ័ស ប្រសិនបើមានការចំាបាច់។
- ចូរបង្កើត បញ្ជីឈ្មោះសំរាប់ការទាក់ទងគ្នា ដែលជួយបញ្ជាក់លក្ខណ:សម្គាល់អស់បណ្តាអ្នកដែលទាមទារសេចក្តីត្រូវការពិសេសៗដូចជា មនុស្សចាស់ជរា, ជនពិការ, ឬកូនក្មេងតូចៗ ដែលអាចនឹងស្នាក់នៅផ្ទះតែម្នាក់ឯងក្នុងវេលាណាមួយនាអំឡុងពេលមានឧប្បត្តិហេតុ។
- ចូរធ្វើការជាមួយគ្នាជាក្រុម ដើម្បីវាយតម្លៃមើលសង្កាត់ភូមិដ្ឋានរបស់អ្នកនៅក្នុងអំឡុងពេលម៉ោងដំបូង បន្ទាប់ពីមានគ្រោះមហន្តរាយរួច ហើយចាត់វិធានការទាំងឡាយណាដែលចាំបាច់ ដើម្បីជួយសង្រ្គោះភូមិដ្ឋានរបស់អ្នក។
 |
 |
 |
 |
 |
 |
 |
 |
| ភាសាអង់គ្លេស | ភាសាអេស៉្បាញ | ភាសារុស្ស៊ី | ភាសាចិន | ភាសាកូរ៉េ | ភាសាវៀតណាម | ភាសាខ្មែរ |
 |
|